ब्रेकअपको संघारमा रणवीर र क्याट्रिनाबीचको सम्बन्ध

By प्रकाश धिताल     

ffffएजेन्सी । बलिउडको रोमान्टिक जोडीका रुपमा परिचित रणवीर कपुर र क्याट्रिना कैफको खटपट सुरु भएको छ । यी दुईको सम्बन्धलाई लिएर भारतीय मिडियामा चर्चा चल्न थालेको छ । हाल यी दुवै अलगअलग फिल्ममा अभिनय गर्नका लागि लण्डनमा छन् ।  उनीहरुको ब्रेकअपको कारण अभिनेत्री दीपिका पादुकोणलाई लिइएको छ, जो कुनै समयमा रणवीरकै प्रेमिका थिईन् ।  रणवीर र दीपिका अभिनित फिल्म ‘तमाशा’को प्रमोसनका बेला रणवीर दीपिकासँग नजिकिएपछि क्याट्रिना चिढिएकी थिईन् । क्याट्रिना चिढिएसँगै रणवीर र क्याट्रिनाबीचको सम्बन्ध ब्रेकअपको अन्तिम संघारमा पुगेको छ ।

रणवीर ‘ए दिल है मुस्किल’ र क्याट्रिना ‘फितूर’को सुटिङमा व्यस्त छन् ।  केही दिन पहिले एक पार्टीमा क्याट्रिनाले रणवीरका पिता ऋषिलाई ‘पापा’ भनेर बोलाएपछि दुई बीच चाँडै नै विवाह हुँदैछ भन्ने अड्कल काटिएको थियो । यी दुवै लिभ–इन टुगेदरमा बस्छन् ।